26 наурыз сағат 12.00-ден 23.30-ға дейін Орал қаласының аумағында және облыстың 9 ауданында қар қарқынды еріп, жауын-шашын мол жауды.
Төтенше жағдайлар мен жергілікті атқарушы органдардың қызметкерлері, №5517 және №99250 әскери бөлімнің сарбаздары, барлығы 990 адам үш әлеуметтік нысанның жертөлесінен, бес көпқабатты үйден, 298 жеке тұрғын үйдің ауласы мен оның аумақтарынан 131 616 метр куб еріген қар, жаңбыр суы және кәріздегі ағынды суды шығарды. Бұл жұмысқа 222 бірлік техника және 153 мотопомпа пайдаланылған. Инертті материал салынған 5730 қапты төседі.
Бұл туралы БҚО ТЖ департаментінің баспасөз қызметі хабарлады.
Бір тәулікте жауын-шашынның айлық нормасы түскен. Норма 25,6 мм-ге жеткен.
«112» мен «109» жедел желісіне 1104 қоңырау түссе, 792 өтініш орындалып үлгерген. Әлі 312 өтініш бақылауда тұр. Жедел желі телефонына 55-40-88 56 қоңырау келіп түскен.
Сондай-ақ наурыз айының 25-нен 26-на қараған түні облыстық және аудандық маңызы бар 5 ауданның автожолдағы 8 учаскесінде су жолды шайып өткен. Зардап шеккендер жоқ.
Аталған учаскелерде кезекшілер бар. Елді мекендерге қауіп төніп тұрған жоқ.
Фото: БҚО ТЖ департаментінің
баспасөз қызметінен
zhaikpress.kz
