9.02.2024, 11:15
Оқылды: 82

Елена Рыбакина Әбу-Даби турнирінің ширек финалына шықты

Қазақстанның бірінші, әлемнің 5-ракеткасы Әбу-Даби WTA 500 турнирінің ширек финалына шықты.

рыбакина

Фото:  Елена Рыбакинаның instagram парақшасынан

Бұл туралы Қазақстан теннис федерациясы хабарлады.

Аустралия ашық чемпионатындағы сәтсіздіктен кейін рейтингіде 5-сатыға түсіп қалған Рыбакина үшін бұл жарыс маңызды еді.

Доданың бірінші ракеткасы болып тіркелген қазақстандық теннисші екінші айналымда рейтингіде 71-орындағы америкалық Даниэль Коллинзбен шеберлік байқасты.

Олар осыған дейін өзара үш рет кездесіп, соның екеуінде Рыбакина жеңген еді.

Бұл жолы Коллинз оңай шағылатын жаңғақ еместігін көрсетіп, бірінші партияда басым түсті — 6:4.

Есесіне екінші сетте Елена есе қайтарды — 6:3.

Үшінші, шешуші партияда қазақстандық спортшы жеңісті жұлып алды — 6:3.

Екі сағат 20 минутқа созылған тартысты матчта Рыбакина 3 эйспен бірге 13 брейк-пойнттың алтауын пайдаланды.

Елена Рыбакина жартылай финалға шығу үшін әлемнің 74-ракеткасы, Испания өкілі Кристина Буча немесе рейтингіде 156-сатыдағы британиялық Хитер Уотсонның біреуімен кездеседі.

Узнайте первым о важных новостях Западного Казахстана на нашей странице
в Instagram и нашем Telegram - канале