Испанияның оңтүстігіндегі екі шіркеуге сәрсенбі күні кешке қарулы шабуыл жасалып, бір адам мерт болды, бірнеше тұрғын жарақат алды, деп хабарлайды ҚазАқпарат BBC News агенттігіне сілтеме жасап.

Полиция мәліметінше, қаруланған күдікті бір-бірінен 300 метр жерде орналасқан екі шіркеуге жергілікті уақыт бойынша сағат 19:00-де қанжармен (мачете) шабуыл жасаған.

Reuters агенттігінің дерегінше, күдікті әуелі Альхесирас қаласындағы Сан-Исидро шіркеуіне кіріп, шіркеу қызметшісін бас салып, ауыр жарақаттаған. Содан кейін екінші Нуэстра Сеньора де ла Пальма шіркеуіне барып, дін қызметшісін пышақтаған. Ол амалын тауып шіркеуден қашып шыққанымен, оған қайта шабуыл жасалып, қатты жараланған. Полиция қылмыскерді бірден ұстап әкетті. Ол 25 жастағы Марокко азаматы болып шықты. Қазіргі уақытта ол қамауда отыр.

Жараланған дін қызметшісінің жағдайы ауыр. Шабуыл салдарынан тағы төрт адам түрлі жарақат алған.

Тергеушілер оқиғаны лаңкестік әрекет ретінде тергеп жатыр.

Фото:Getty Images