Әскери есепке алудың алғашқы рәсімін жергілікті әскери басқару органдары жүргізеді. Алдын ала әскерге шақыру учаскелеріне 17 жастағы 100 мыңнан астам жасөспірім тіркеледі, деп хабарлайды ҚР ҚМ баспасөз қызметі.
Әскерге шақыру пунктеріне келуге 2005 жылы туған жасөспірімдер шақыру қағазын алады. Олар барлық қажетті құжаттармен жергілікті әскери басқару органдарына келуге міндетті.
Жергілікті атқарушы органдардың шешімімен азаматтарды тіркеу және медициналық куәландыру жөніндегі комиссиялар құрылды.
Тіркеу барысында болашақ әскерге шақырылушылардың саны, әскери қызметке жарамдылық санаты, дене даярлығының деңгейі айқындалады.
Денсаулық жағдайы ерекше бақылауға алынады. Әрбір жас азамат міндетті медициналық тексеруден өтеді. Жасөспірімдерде қандай да бір сырқат анықталған жағдайда, олар тиісті емделу үшін денсаулық сақтау ұйымдарына тіркеледі.
Барлық рәсімдерден өткеннен кейін әскерге шақыру жасына дейінгілерге әскери есепке қою туралы тіркеу куәлік беріледі.
– Тіркеу куәлігі – әскери билет сияқты маңызды құжат. Бұл жас адам қызметке шақырылғанға немесе запасқа шығарылғанға дейін жарамды. Әскери есептен шығарылғаннан кейін және әскери билетті алғаннан кейін тіркеу куәлігі алынып, оны жергілікті әскери басқару органына жоюға беріледі, – деп түсіндірді Ұйымдастыру-жұмылдыру жұмыстары департаменті бастығының орынбасары полковник Азамат Досымов.
Сонымен қатар, жергілікті әскери басқару органдары жасөспірімдерге әскери қызметтің артықшылықтары мен перспективалары, Қазақстан Қорғаныс министрлігінің және алыс-жақын шетелдердің әскери оқу орындарына түсу ережелері жөнінде ақпарат беріледі.
Естеріңізге сала кетсек, республикада әскерге шақыру учаскелеріне тіркеу жыл сайын қаңтар мен наурыз аралығында жүргізілетін міндетті рәсім болып табылады.
10:4630.01.2023
Қазақстанда әскери борышын өтеуден жалтарған 30 мыңнан астам азамат іздестіріліп жатыр
15:4528.11.2022
Келер жылы 37 мыңнан аса бозбала әскерге шақырылуы мүмкін
17:4529.09.2022
Алматыда жасөспірім 18-қабаттан құлап кетті
12:0325.09.2022
Таразда 14 жастағы жасөспірім тұрғын үйдің 12-қабатынан секіріп, мерт болды
30.01.2023, 10:46
28.11.2022, 15:45
29.09.2022, 17:45