Бүгінгі таңда Қазақстанда 13 рухани оқу орны жұмыс істейді, олардың ішінде Ислам бағытында 11 оқу орны білім береді, деп хабарлайды ҚазАқпарат.
Нұр-Сұлтан қаласының Дін істері басқармасының мәліметінше, шетелдік рухани білім беру мекемелерінде діни білім алу үлкен қауіп төндіреді. Өйткені, студенттің радикалдану қаупі бар.
«Қазақстанда қазір 13 рухани оқу орны жұмыс істейді десек, олардың 11-і Ислам бағытында оқытады. Жекелей айтсақ, «Нұр-Мүбарак« университеті, 9 медресе-колледж, ҚМДБ жанындағы имамдардың біліктілігін арттыру Ислам институты. Христиандық бағытқа екі оқу орны жатады: Алматы православиялық рухани семинариясы және «Мария – Шіркеу анасы« мұрағатаралық жоғары рухани семинариясы», - делінген ведомствоның хабарламасында.
Дінге байланысты, оның ішінде теологиялық білім алуға қатысты мәселелер туындаған жағдайда, астаналық Діндерді зерттеу орталығына iKomek-109 телефон арқылы хабарласуға болады.
