Экология және табиғи ресурстар министрлігінің хабарлауынша, вице-министр М. Ошурбаевтің төрағалығымен климаттың өзгеруіне бейімделудің ұлттық жоспарын әзірлеу бойынша отырыс өтті.
Фото: gov.kz
Шараға орталық мемлекеттік органдардың, халықаралық ұйымдардың, БҰҰ Даму бағдарламасының (БҰҰ ДБ) және сарапшылық қоғамдастықтың өкілдері қатысты.
Бұл құжат Қазақстанның БҰҰ-ның Климаттың өзгеруі туралы негіздемелік конвенциясы мен Париж келісімі шеңберіндегі халықаралық міндеттемелерін орындау мақсатында Министрлік пен БҰҰ ДБ бірлесіп дайындалды. Ұлттық жоспар су, ауыл және орман шаруашылығы, денсаулық сақтау, сондай-ақ төтенше жағдайлардың алдын алу сияқты 5 басым сектор бойынша климаттың өзгеруіне бейімделу іс-шараларын қамтиды.
Жиын барысында қатысушылар аталған бағыттар бойынша ұсынылған жобаларды талқылап, оларды іске асыру мен есеп беру мәселелері төңірегінде пікір алмасты.
