ҚР Денсаулық сақтау министрлігінің мәліметінше, «Ұлттық ғылыми медициналық орталық» АҚ мамандары плацента мен кіндік бауының дің жасушалары негізінде бірегей биомедициналық жасушалық өнімді жасап шығаруда.

Фото: DenMinPR
2025-2027 жылдарға арналған ғылыми бағдарлама аясында жүзеге асырылып жатқан бұл зерттеулер келешекте қант диабеті, инсульт, жүрек жеткіліксіздігі мен аутоиммундық дерттерді емдеуде қолданылады деп күтілуде.
Сонымен қатар Орталықта ДНҚ-микрочиптер мен жаңа буын секвенирлеу (NGS) технологиялары арқылы онкологиялық ауруларды молекулалық-генетикалық тұрғыдан диагностикалау әдістері белсенді түрде енгізілуде. Бұл инновациялық тәсілдер ісік дерті кезіндегі генетикалық өзгерістерді дөп басып анықтап, емдеу бағытын әр пациентке жеке бейімдеуге мүмкіндік береді.