ҚР Премьер-министрінің кеңесшісі Ермек Маржықпаев өңірде жұмыс сапарымен болды. Ол Орал қаласында сумен жабдықтау, жылумен қамту және электр энергетикасы салаларындағы жобалардың іске асырылу барысын қарады.
Шаһарды алдағы жылыту маусымына дайындауға, жылу магистральдары мен электр желілерін қайта құруға, сондай-ақ су және кәріз инфрақұрылымы нысандарын жаңғыртуға ерекше назар аударылды.
Іссапар қорытындысы бойынша жауапты ұйымдарға жұмыстарды белгіленген мерзімде аяқтап, нысандардың тиісті деңгейде дайындығын қамтамасыз ету тапсырылды.
