Хорватияның Загреб қаласында өтіп жатқан дзюдодан Гран-при турнирінде Қазақстан құрамасының өкілі Нұрқанат Серікбаев алтын медаль жеңіп алды, деп хабарлайды ҚР Ұлттық Олимпиада комитеті.

Фото: olympickz
66 келіге дейінгі салмақ дәрежесінің финалдық белдесуінде отандасымыз бразилиялық Рональд Лимамен кездесіп, айқын басымдықпен жеңіске жетті.
Осылайша, ұлттық құрама қоржыны тағы бір жоғары марапатпен толықты. Айта кетейік, бұған челем бұл додада Ғалия Тынбаева (48 келі) мен Аман Бақытжан (60 келі) күміс жүлдегер атанған болатын.