Бұл туралы БҚО төтенше жағдайлар департаментінің баспасөз қызметі хабарлады.
«КАЗГИДРОМЕТ» ШЖҚ РМК БҚО-дағы филиалының 27 наурыздағы мәліметіне сәйкес, Батыс Қазақстан облысы Сырым ауданы Жымпиты ауылындағы Өлеңті өзеніндегі гидрологиялық бекетте су деңгейі 26 наурыз таңғы 08:00-де 179 сантиметр болған. 24 сағат ішінде су деңгейі тағы 284 сантиметрге көтерілген. 27 наурыз 08:00-де су деңгейі 463 сантиметрге жеткен.
Су әлі де келіп жатыр. Өзендегі су деңгейі жан-жақтан жеткен су арқылы көтеріліп, қауіпті белгіден асуы мүмкін.
Қауіпті деңгей – 490-520 сантиметр.
Елді мекендер өзендері бассейндерінен төмен, яғни Жымпиты және Өленті ауылдарында өзен маңында орналасқан үйлерді су басу қаупі бар.
zhaikpress.kz
