Орал қаласында гараж бен шағын автобус жанып кеткен. Бұл туралы БҚО төтенше жағдайлар департаментінің баспасөз қызметі хабарлады.
Баспасөз қызметінен мәлім еткендей, оқиға кеше кешкі сағат 21.50-де болған.
«Н.Чесноков көшесі бойында гараж отқа оранды. Жалын 80 шаршы метрді шарпыды. Гараждың ішінде шағын автобус болған. Зардап шеккендер жоқ. Өртті сөндіруге 14 адам және 4 техника жұмылдырылды. Өрт сағат 22.40-та оқшауланды. Оқиға орнында Орал қаласы ТЖ басқармасы, зерттеу-сынау өртке қарсы зертханасы мамандары барды», - делінген департаменттің хабарламасында.
Фото БҚО ТЖ департаментінен
