Ресми ақпарат көздерінің мәлімдеуінше, биыл Батыс Қазақстан облысында 72,326 мың гектарға үйірлі шегіртке, соның ішінде, 70,326 мың гектарға итальяндық прус және 2 мың гектарға азиялық зиянкес таралуы мүмкін деген болжам бар. Химиялық іс-шараларды уақтылы атқару үшін өңірімізге қажетті дәрі-дәрмектер күнілгері жеткізілсе, өңдеу қызметін жүргізетіндермен арнайы келісімшарт та жасалған. Негізінен, аталмыш жұмыстарғаотызға тарта (үшеуі газ генераторы) техника тарту белгіленсе, қазірдің өзінде Қаратөбе ауданында «Энжио», «Локустин», «Имидор», «Комбат» және «Ципрофен» препараттарымен өңдеу ісі басталып кетті. Жалпы, өткен мамыр айының соңында осы аталған ауданның Қоскөл ауылдық округі аумағындағы Шора қыстағы маңында итальяндық прус личинкаларының көбейіп жатқаны анықталған-ды.
Толығырақ облыстық «Орал өңірі» газетінің 2021 жылғы 11 маусымдағы №47 санындағы белгілі журналист Бауыржан Махутұлының «Шегірткелер шеруіне жол жоқ» атты мақаласынан оқи аласыздар!
zhaikpress.kz
