1991 жылдың 8 желтоқсанында Беловежскіде бас қосқан Ресей, Беларуссия және Украйна басшыларының кездесуі КСРО мемлекетінің ресми жойылуын тездетеді.
Ресей Президенті Б.Ельцин, Беларуссия басшысы С.Шушкевич және Украйна Президенті Л.Кравчук қол қойған «СССР-ды құру туралы 1922 жылғы шартты жою және Тәуелсіз Мемлекеттер Достастығын құру жөніндегі» келісім шарты КСРО-ның өмір сүруін тоқтатқан құжат болды.
Онда: «КСРО халықаралық субьектісі ретінде өмір сүруін тоқтатады және геосаяси мәнін жоғалтады» деп белгіленді. «Өзге Одақтас Республикаларға ТМД-ға кіру есігі әрқашанда ашық, бұл негізінен егеменді елдердің экономикалық бағытындағы бірлігі үшін керек» деп мәлімделеді.
Осылайша бір орталықсыз өмір сүре алмайды деп танылған тоталитарлық мемлекет орналасқан құрлықтың 1/6 бөлігі туралы миф жоққа шығарылады.
Зұлқожа Шарафутдинов,
zhaikpress.kz
(«Қазақтар». Анықтамалық. А. 2003 жыл)
