Оралда орналасқан Ұлттық ұланның 5517 әскери бөлімінде осыдан 29 жыл бұрын, 1995 жылы 7 сәуірде тәжік-ауған шекарасында ерлікпен қаза тапқан Қазақстан Республикасының ішкі әскерінің 17 жауынгерін құрметпен еске алды.
Жыл сайын осы күні Қазақстан Республикасының Ұлттық ұланының барлық әскери бөлімінде, қаза тапқан жауынгерлердің құрметіне аза тұту митингілері өтеді. Бүгінгі өткізген шараға Тәжік-Ауған қақтығысына қатысушылар, «Батыс» өңірлік қолбасшылығының ардагерлері, өңірлік қолбасшылықтың офицерлері мен сержанттары және 5517 әскери бөлімінің жеке құрамы қатысты.
Шарада «Батыс» өңірлік қолбасшылығы қолбасшысының міндетін уақытша атқарушы полковник Нариман Акбаров, «Батыс» өңірлік қолбасшылығының ардагерлер кеңесінің төрағасы запастағы подполковнигі Бақытжан Бердиев, «Тәжік-ауған ардагерлері одағы» қоғамдық бірлестігінің төрағасы Әлишер Ашурматов сөз сөйледі.
Шара барасында ерлікпен қаза болған 17 жауынгерді 1 минуттық үнсіздікпен еске алып, ішкі әскердің 17 жауынгеріне арнайы тұрғызылған ескерткіш жанына гүл шоқтарын қойып тағзым етті.
ҚР ҰҰ «Батыс» өңірлік қолбасшылығының
баспасөз қызметі
