Ақжайық ауданының Жамбыл ауылында күрделі жөндеуден өткен мәдениет үйі пайдалануға берілді. Іші-сырты сыңғырлаған мәдени ошақтың ашылу салтанаты ауыл тұрғындарын қуанышқа бөледі.
– Бүгінгі қуаныштарыңыз құтты болсын! Осы сахнадан талай дарын қанаттанып, үлкен өнерге жол алады деген сенімдеміз. Ауданда ауылдарды көгілдір отын, ауыз сумен қамту аяқталуға жақын, бірнеше әлеуметтік нысан бой көтеріп, күрделі жөндеуден өтіп жатыр. Жақсы жаңалық көп болсын, – деді жамбылдықтардың көптен күткен қуанышына ортақтасуға арнайы барған аудан әкімі Қалияр Айтмұхамбетов.
Одан соң ауыл тұрғындары атынан сөз алған еңбек ардагері Қайыржан Шәрәпи ризашылығын жеткізіп, М.Абдулов атындағы негізгі орта мектептің үздік оқушысы Жарқын Саламатпен бірге мәдениет үйінің лентасын қиды.
Жиналғандарға аудан көркемөнерпаздары мен ауылдың өнерлі жастары концерттік бағдарлама ұсынып, тамаша көңіл күй сыйлады.
Асыл Қайрат,
Ақжайық ауданы
zhaikpress.kz
19.09.2023, 17:30
14.09.2023, 16:00
1.09.2023, 12:30
24.08.2023, 16:45
