Бүгін 8 наурыз – халықаралық әйелдер күніне орай Жаңақала аудандық мәдени-демалыс орталығында «Әлемнің сыйы әйелге» атты мерекелік кеш өтті.
Жиын халықтық «Сымбат» би ансамблінің «Көктем шуағы» биімен бастау алды. Одан әрі аудан әкімі Дархан Закарин барша нәзік жандыларды мерекемен құттықтап, игі тілегін білдірді:
-Құрметті арулар, асыл жандар, ардақты аналар көктем мезгілімен қатар келген төл мерекелеріңіз құтты болсын! Сіздер бір отбасыны емес, бүкіл әлемді аялы алақанымен тербете алатын адамзат баласының ары, рухы, жігерісіздер. Мемлекет басшысының әрбір жолдауында ана мен балаға деген қамқорлық назардан тыс қалған емес. Қоғамды көркейтуге, өмірді мән-мағыналы етуде еңбектеріңіз зор. Ер азаматтардың құрметіне бөлене беріңіздер. Отбасыларыңызға бақ-береке, шаттық, сәттілік тілейміз.
Әлемнің жарығын сыйлаған барша аналардың, жүректерді ыстық сезімімен тербеген арулардың құрметіне көркем өнерпаздар «Перзент сыры», «Анаңның қадірін біл», «Ана жүрегі» және тағы да басқа әндер шырқалып, әсерлі көркем сөздер оқылып, бимен әрлеп, көрініспен көркемдеп көрерменге мерекелік көңіл күй сыйлады.
Нұргүл Елтайқызы,
Жаңақала ауданы
zhaikpress.kz
14.05.2023, 19:16
29.11.2022, 16:15
28.10.2022, 10:46
17.10.2022, 17:00
