Тасқала ауданының Атамекен ауылдық округінде Ескендір Хасанғалиев атындағы «Атамекен» ән байқауы өтті.
Байқауда жерлесіміз, әнші, композитор, Қазақстан Композиторлар одағының мүшесі, Орта Азия Халық академиясының академигі, Батыс Қазақстан университетінің Құрметті профессоры, Қазақстан халық әртісі Ескендір Хасанғалиевтің әндері орындалды.
Қазақтың қазіргі ән өнеріндегі орны бөлек тұлға, халқымыздың ардақ тұтар композиторы Ескендір Хасанғалиев – біздің жерлес ағамыз.
Бұл байқаудың мақсаты – қазақ эстрадасының дамуына елеулі үлес қосқан Ескендір Хасанғалиев шығармашылығын дәріптеп, ән құдіреті арқылы патриоттық сезімді нығайту, сазгер шеберлігінен туындаған әндерді орындау еді.
Аталмыш байқауда тоғыз ауылдық округтен 11 үміткер бақ сынап, екі әннен орындады.
Тартысты байқауда I орынды Шежін ауылдық округінен Айнұр Жексенова алса, IІ орынды Мерей ауылдық округінен Айнагүл Тоғжанова қанжығасына байлады. Ал III орынды ақтаулық Ақсәуле Шандаева иеленді.
Байқауға қатысқандар әр түрлі номинация мен сыйлықтарға ие болды.
Гүлмира Серікқалиқызы,
Тасқала ауданы
zhaikpress.kz
