Кеше, 25 тамыз күні Бәйтерек ауданы Достық ауылдық округі Чувашка ауылынан 1 шақырым жерде өрт оқиғасы тіркелді.
Бәйтерек аудандық төтенше жағдайлар бөлімі ұсынған ақпаратқа сүйенсек, түнгі сағат 23.16-да орын алған өрт Достық ауылдық округінде «При Чагане» мен «Барс и К» ЖШС аумақтарында болды.
Өрттің салдарынан 200 тонна (800 орама) шөп жалынға оранған. Бүгін, 26 тамыз күні сағат 08.51-де өрт толықтай сөндірілді. Зардап шеккендер жоқ. Оқиға орнына жеке құрамнан 6 адам, 2 техника, аудандық полиция бөлімінен 2 қызметкер, 1 техника жұмылдырылған.
Ертай Бимұханов,
Бәйтерек ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
