Облыс әкімі Ғали Есқалиевтің бүгінгі жұмыс сапары Жәнібек ауданы орталығындағы «Балдәурен» жазғы демалыс лагерінің жай-күйімен танысудан басталды.
Аталмыш лагерьдің басшысы Нұртілек Мизамбаевтың айтуынша, лагерь 2002 жылы құрылып, жұмысын бастаған. Алайда, лагерь бейімделген ғимаратқа орналасқан. Сол себепті стандартқа сай келмейді. Аталмыш мәселе бойынша аудандық мәслихат хатшысы Тахир Қадимов өңір басшысына депутаттық корпус атынан ұсыныс айтты. Оның сөзіне сүйенсек, Талов ауылдық округінің Бобров су тоғаны жанынан жаңадан демалыс лагерін ашу керек. Хатшы лагерьдің нобайын алдын ала жасақталған эскиз арқылы көрсетті. Егер де лагерь салынып, пайдалануға берілетін болса, 21 адам жұмыспен қамтылмақ. Сондай-ақ, аудан әкімі Азамат Сафималиев жаңадан салынатын лагерьге шамамен жұмсалатын қаржысын айтты.
Өз кезегінде Ғ.Нәжімеденұлы тиісті мекеме басшыларына бұл мәселе бойынша жұмыстануды тапсырды.
Гүлзара Мәди,
Жәнібек ауданы
zhaikpress.kz
14.05.2023, 14:12
13.05.2023, 21:05
13.05.2023, 20:39
4.04.2023, 19:42
