Ұлттық құндылықтар дәріптелетін наурызда "Бөкей ордасы ардагері" қоғамдық бірлестігі, "Шапағат нұры" деструктивтік діни ағымдардан қорғау және көмек көрсету орталығы" қоғамдық бірлестігі мен аудандық мәдени-демалыс орталығының ұйымдастыруымен ерекше шара өтті.
Ауыл ақсақалдары бата беруден сынға түсті. Шараға қатысушылардың үлкені 85 жастағы сайқындық Қитеш Бисенғалиев болса, ең жасы етуге иек артқан ханордалық Мэлс Үшенов. Ал Ұялы мен Саралжыннан кемел жасқа жетсе де, келелі сөз айтатын бір ақсақал да қатыспады.
Байқауға қатысушылар тек түрлі тақырыпта бата беріп қана қоймай, салт- дәстүр туралы білімдерін таразыға салды.
Ауыл ақсақалдары сынға түскен шара халық әндерімен айшықталды.
Байқау қорытындысы бойынша мұратсайлық Бауыржан Меңдешов пен бөрлілік Серік Құлбаев ынталандыру сыйлығына ие болса, бисендік Ерболат Құбиев ІІІ орынға лайық танылды. Хан ордалық Мэлс Үшенов ІІ орын иеленсе, сайқындық сыйлы қариямыз Қитеш Бисенғалиев І орынға лайық танылды.
Ұлпан Жакина,
Бөкей ордасы ауданы
zhaikpress.kz
