Жуырда Тасқала ауданының Мерей жалпы білім беретін орта мектебінің 5-сынып оқушысы Есқайыр Бакесов Дубайда өткен халықаралық жарысқа қатысып, ментальды арифметиканың үшінші деңгейінен жеңімпаз атанды.
Қуанышты хабарды бізге мектеп директоры Ұлбике Ізтелеуқызы жеткізді. Оның айтуынша, Есқайыр мектептегі озат оқушылардың бірі.
- Ол бастауыш сыныптан бері математика пәнінен өткен аудандық олимпиадалардың жүлдегері. 2002 жылы мектепте "Дарын" орталығы ұйымдастырған республикалық жарыстан ІІ орын алды. Оның есепке жүйріктігі соншалық, математикалық регаталардан құр алақан қайтқан жоқ.
Есқайырдың бұл жарысқа қатысуына өзі қосымша білім алып жүрген «SMAPTUM» интелекті дамыту орталығы себепкер болды. Өйткені мектепте оқи жүріп, аталмыш орталықта онлайн қосымша білім алады. Тек демалыс уақытында ғана сол жерге барып дайындалады, - дейді мектеп директоры.
Айта кетейік Дубайда өткен сайысқа еліміздің түкпір-түкпірінен 400-ден астам оқушы қатысып бақ сынаса, соның оны Орал қаласынан екен.
Назгүл Серікқызы,
Тасқала ауданы
zhaikpress.kz
