23.11.2023, 19:22
Оқылды: 131

«Chingirlau Milk» ауылшаруашылық өндірістік кооперативі жоспарларымен бөлісті 

Облыс басшысы Нариман Төреғалиев Ащысай ауылының Мырзағара елді мекенінде орналасқан «CHINGIRLAU MILK» ауылшаруашылық өндірістік кооперативін аралап шықты.

WhatsApp Image 2023-11-23 at 18.40.21

Кооперативке 12 аудан тұрғыны біріккен. Кооператив мүшелері күш біріктіріп, ірі қара малды асылдандыруды басым бағыт етіп ұстаған бұл шаруашылық сүт өндіруді де көлемді өндірістік бағытқа айналдырамыз деген ойда. Қазір 6 адам несие алып, 38 ірі қара басын әкеліп отыр. Енді 2 адам тағы несие алуда.

WhatsApp Image 2023-11-23 at 18.40.20

«Мақсат – ауыл тұрғындарын, жастарды біріктіру. Кооперативке біріктіріп, мал басын көбейту және асылдандыру. Жалпы, кооператив мүшелерін 40 адамға жеткізуді жоспарлап отырмыз. «Ақжайық» АӨК арқылы құрал-жабдықтарын алдырып, сүт өнімдерін шығару бағытын да жолға қоймақшымыз. Қазіргі басты бағыт мал басын көбейтіп, асыл тұқымды мал басын өндіруші статусын алу» - дейді осы шаруашылықты ұйымдастырушы Нұрлыбек Есенов.

Қаршыға Асу

Шыңғырлау ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале