Сауабы мол игі істер жасап, кең жүректі, жомарт жандар қатарынан табылу үшін кәсіп те, лауазым да, мамандыққа байланысты шен-шекпен де ешқандай рөл атқармайды екен. Біз оған елімізді қатерлі індет жайлап, қарапайым халықтың басына қиындық түскен кезде анық көз жеткіздік.
Жақында Жалпақтал полиция бөлімінің жеке құрамы өзара бастама көтеріп, айлық табыстарынан жалғызбасты көпбалалы отбасыларға бірінші кезектегі әлеуметтік маңызы бар азық-түліктер алып берді. Жалпақтал ауылынан екі, Талдықұдық ауылынан әлеуметтік жағдайы төмен бір жанұя сақшылардың сәлем-сауқатына ие болып, оларға шынайы ризашылығын жеткізді.
Қасиетті Рамазан айындағы сауапты істерге жетелеген елдегі бірлілігіміз алда да арта берсін!
Қыдыр Харесұлы
Казталов ауданы
zhaikpress.kz