Еліміздің болашағы үшін маңызы зор саяси науқанынан қалыс қалмай, өз таңдауларын білдірушілер белсенді түрде сайлауға қатысуда.
Шыңғырлау ауданы бойынша барлығы 8680 дауыс беруші тізім бойынша тіркелген.
Ендігі кезекте дауыс берушілер легі толастамай, сайлау басталғалы бір сағат көлемінде дауыс беру құқығына ие тұлғалардың көпшілігі белсенділік танытып, өз таңдауларын жасады. Сайлауға тұрғындар ертемен ұжымдарымен, отбасыларымен келуде. Шыңғырлау ауданының әкімі Әлия Мұханбетжанова да №423 сайлау учаскесінде алғашқылардың бірі болып дауыс берді.
