“Шыңғырлау” спорт клубының ұйымдастыруымен салауатты өмір салтын насихаттау, белсенді ұстанымды қалыптастыру мақсатында ерлер арасында футболдан ашық аудандық жарысы ұйымдастырылды. 6 команда қатысқан футбол шарасында “Шыңғырлау” спорт клубы директоры Жұбаныш Төлегенұлы сөз алып, спортшыларға сәтті ойын өрнегін тіледі.
Әзірліктері жақсы, жеңіс деп алға ұмтылған командалар ширақ ойын көрсете алды.
Жарыс нәтижесінде “Үздік қақпашы” Нұрберген Жақсылықов, “Үздік ойыншы” Ерлан Сағындықов, “ Үздік шабуылшы” Айбек Абдулов, “Үздік қорғаушы” Сұлтан Асаубаевшарада тиісінше марапаттарға ие болды. Ал командалар арасынан кезегімен «Намыс» І, спорт клуб ІІ, ал Қызылкөл командасы ІІІ орындардан көрінді.
Ауданымызда спорт шаралары жиі ұйымдастырылып, бұқараны салауатты өмір салтын ұстануға бағытталған шаралардың жиі өткізіліп жүргенін айта кеткен де ләзім.
Гүлназ Мұқан,
Шыңғырлау ауданы
