23.12.2023, 9:30
Оқылды: 53

Сырым ауданы әкімдігінің кубогі: Жосалы командасы чемпион атанды

“Қайсар” спорт клубында волейболдан Сырым ауданы әкімінің кубогі өтті. Ашылу салтанатына аудан әкімі Жұмагелді Батырниязов қатысып, командаларға сәттілік тіледі.

IMG_1858

Одан бөлек, аудан басшысы бұқаралық спортты дамытуда үлесін қосып, жас волейболшыларды тәрбиелеп жүрген Рамазан Кәрімовке алғысхат пен естелік сыйлық табыс етті.

IMG-20231223-WA0007

“Ауданымызда волейбол спорт түрін дамытуға қосқан үлесіңіз үшін сізге алғысымды білдіремін. Барлық бастамаларыңызға табыс тілей отырып, ауданымыздың игілігі үшін жемісті еңбек етуіңізге тілектеспін” делінген алғысхатта.

IMG_1851

Жарысқа “Аралтөбе”, “Бұлан”, “Бұлдырты”, “Жосалы”, “Қособа”, “Намыс”, “Жымпиты 1” командаларынан кілең мықты шұбар доп шеберлері өзара бақ сынады.

IMG_1958

Нәтижесінде, ІІІ орынға “Жымпиты 1”, ІІ орынға “Бұлдырты”, жүлделі І орынға “Жосалы” шұбар допшылары лайық деп танылып, Сырым ауданы әкімінің ауыспалы кубок иегерлері атанды.

IMG_9082

Үздік ойынымен көзге түскен ойыншылар арасында жымпитылық Мұрат Лұқпанов – “Үздік байланыстырушы”, қособалық Жәңгір Бақытжан – “Үздік техникалық ойыншы”, бұлдыртылық Данат Жексенбаев – “Үздік шабуылшы”, жосалылық Саят Жасталап – “Үздік ойыншы” аталымдарына лайық деп танылып, ынталандыру сыйлықтары табысталды.

Айжан Амангелдина,

Сырым ауданы

zhaikpress.kz 

Узнайте первым о важных новостях Западного Казахстана на нашей странице
в Instagram и нашем Telegram - канале