Сырым аудандық аумақтық инспекцияның басшысы Азамат Өтепов "Республикалық фитосанитариялық диагностика және болжамдар әдістемелік орталығының" аудандық филиалының басшысы Ғанимат Разиев 1 қазан – Қариялар күні мерекесіне орай аудан орталығындағы бір топ еңбек ардагерлеріне құрмет көрсетіп, дастархан жайды.
Шырайлы шараның құрметті қонағы қатарында ұзақ жылдар аудандық жер қатынастары бөлімінің басшысы болған, білікті агроном, еңбек ардагері, биылғы жылы 75 жастың белесіне шыққан Сағидолла Орашев, еңбек ардагерлері Марат Тоқтаров, Ахат Аралбаев арнайы шақырылды.
Шырайлы отырыста әдемі естеліктер айтылып, ауданның экономикалық - әлеуметтік өркендеуі бағытында шолу жасалды.
Салтанатты шараның ерекше бір сәті мекеме басшысы Ғанимат Разиев қонақтарға "қош келдіңіздер" айтып, еңбек ардагері Сағидолла Орашевтың өңіріне "ҚР ауыл шаруашылығы ардагерлер кеңесі" қоғамдық бірлестігі басқарма төрағасы атынан мерекелік медальді тақты.
Шарада қонақтар Сағидолла Орашев, Марат Тоқтаров, Ахат Аралбаев әкімшілік ұжымға мерекелік дастархан жайып, құрмет көрсеткендері үшін алғыстарын айтты.
Шара соңында еңбек ардагерлеріне ұжым атынан сый-сияпаттар табыс етілді.
Мүсірбек Әлібекұлы,
Сырым ауданы
zhaikpress.kz
19.10.2023, 16:30
2.03.2023, 13:00
2.11.2022, 19:20
3.10.2022, 20:42
