ҚР Президенті Қасым-Жомарт Кемелұлы Тоқаевтың 15 қаңтардағы Жарлығы бойынша Сырым ауданы, Жетікөл ауылының тұрғыны, 6 баланың анасы Айсәуле Супыгалиева "Күміс алқа" алқасымен наградталды.
Алқаны табыстаған аудан әкімі Төлеген Төреғалиев алтын құрсақты анаға ақжарма тілегін жаудырды.
Айсәуле Кенесарықызы отағасы Орынбасармен 6 бала тәрбиелеп отырған үлгілі отбасы.
Олардың тұла бойы тұңғышы Ерасыл Орал қаласында физика-математикалық бағыттағы Назарбаев Зияткерлік мектебінің 7-сынып оқушысы, ең кішісі Айжұлдыз мектеп жасына жетпеген.
Алқа табыстау рәсіміне қатысқан аудандық мәслихат хатшысы Шынар Дүйсенғалиева ана мен баланы қорғау мәселесіне тоқталды.
Айжан Амангелдина,
Сырым ауданы
zhaikpress.kz
