Сырым аудандық «Балалар мен жасөспірімдер шығармашылық орталығының» оқушылары Ақтөбе қаласында өткен би және ән байқауында оқ бойы оза шауып, жүлделі орындарға ие болды.
Гүлшат Нұрмұханова жетекшілік ететін үлгілі «Айналайын» би тобы IV Халықаралық балалар, жасөспірімдер мен жастарға арналған «Kings of dance» би чемпионатында 7-10 жас арасында «Күміс сыңғыры» ұлттық биімен бас жүлдені қанжығаға байлады.
Эстрадалық биде «Теңіз қарақшылары» биімен І орынды иеленді. Айдана Кусегенова жетекшілік ететін вокал үйірмесінің оқушысы Айым Ерғазы «Волшебный микрофон» ән байқауында 11-14 жас арасынан «Соло» аталымында І орын алды.
Жеңімпаз жеткіншектерді сайысқа дайындаған жетекшілердің және қолдау білдірген ата-аналардың еңбегі зор.
Айжан Бауыржанқызы
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
