Сырым Датұлы атындағы тарихи-өлкетану музейінің мәліметінше, музей жаңа көрмемен толықты. Толғауы тоғыз жолдың торабынан бастау алатын Сырым ауданының тарихы әріден басталады. Ауданның шежіресін жазып келетін аудандық газет тарихы биыл торқалы 90 жаста.
Аудандық "Сырым елі" газетінің сонау 30 жылдардан бастап ыстық-суығына төзген аға буын қаламгерлердің түпнұсқа құжаттары, тұтынған бұйымдары, алғашқы аттестаттары мен дипломдары, фотоаппараттары мен фотосуреттері өткен тарихты көз алдыңа әкеледі. Көрме 10 желтоқсан күні сағат 15:00-де ашылады деп жоспарлануда.
Шынар Молданиязова,
Сырым ауданы
zhaikpress.kz
