Теректі төрінде Жаңа Өмір және Ұзынкөл ауылдық округтерінің өнерпаздары аудан тұрғындарына ерекше мерекелік көңіл күй сыйлады.
Кеш барысында ет өнімдері, дәмді тағамдар мен тәттілер саудаланып, қолөнер жәрмеңкесі мен сурет көрмесі ұйымдастырылды.
Концерттік бағдарлама «Ақсұңқар» бишілер ансамблінің орындауындағы «Көктем» биімен ашылып, әуезді әндер мен мың бұралған биге ұласты. Кештің шарықтау шегінде арнайы қонақ Аль Азиз экстрим шоу көрсетіп, көрермен ризашылығына бөленді. Сонымен бірге аудан жастары арасында тартысты спорттық ойындар өтіп, шара дәстүрлі «Атамекен» әнімен мәресіне жетті.
Тұрғындарға қуаныш сыйлаған бұл жоба салауатты өмір салтын насихаттауға, шағын кәсіп иелерін қолдауға және жас дарындарды танытуға мүмкіндік берді.
Келесі кезектен тыс өнер эстафетасын Құмақсай мен Покатиловка ауылдық округтерінің өнерпаздары жалғастырады.
Қ. Аманжол,
Теректі ауданы
