Жуырда Жаңаөмір ауылында қазақ күресінен аудандық біріншілік өтті. Додаға ауданның 32 балуаны қатысты.
Сайыстың салтанатты ашылу рәсімінде Теректі ауданы әкімінің орынбасары Т.Сағынгереев сөз сөйледі.
Спортшыларымыз тек күш-қайратын ғана емес, сонымен бірге бабадан жеткен қазақ күресінің әдіс-тәсілдерін, жоғары шеберлігін көрсете білді. Әр белдесу тартысқа толы болып, жанкүйерлердің ыстық ықыласына бөленді.
Тартысты бәсекенің қорытындысы бойынша жүлдегерлер мынадай ретпен анықталды:
70 кг-ға дейінгі салмақ дәрежесі («Өгіз балуандар»): І орын — Тайман Нұрғалиев (Подстепный ауылдық округі), ІІ орын — Ахмет Шүйншалиев (Подстепный ауылдық округі), ІІІ орын — Қорғанбек Бақтияров (Подстепный ауылдық округі).
70 кг-дан жоғары салмақ дәрежесі («Түйе балуандар»): І орын — Мұрат Баубеков (Шаған ауылдық округі), ІІ орын — Мират Сағиев (Ұзынкөл ауылдық округі), ІІІ орын — Шыңғыс Қажиакбаров (Подстепный ауылдық округі).
Жеңіс тұғырынан көрінген балуандар арнайы дипломдармен, медалдармен және естелік сыйлықтармен марапатталды.
М.Нұрымжанқызы
