6.09.2021, 10:43
Оқылды: 83

Тіл – достық тірегі

Қазақстан халқы тілдері күні мерекесіне орай Бәйтерек ауданының орталығы Переметный ауылына қарасты Қаражар елді мекенінің кітапханасы «Тіл – достықтың тірегі» атты кездесу кешін ұйымдастырды.

 FB_IMG_1630903344922

Ана тіліміздің мәртебесін арттырып, ауыл азаматтарын кітап оқуға шақыру және ақын-жазушыларымыздың шығармашылығына деген қызығушылықты арттыру мақсатында оздырылған шараға қаражарлық ағайын белсенді қатысты.

Кеш барысында ауыл мектебінің оқушылары ана тілі, Отан туралы өлеңдер оқып, кездесу сәнін кіргізсе, үлкендер жағы «Ана тілім – ардағым» атты кітап көрмесін тамашалап, оқулықтарға шолу жасады.

Көпшілік кітапханасы қорындағы Ш.Сарыбаевтың «Қазақ тіл білімінің мәселелері», «Әлем халықтарының мақал-мәтелдері», Ф.Оразбаеваның «Ой өрнегі мен сөз», «ХХ ғасыр басындағы қазақ тілі», Ө.Айтбайұлының «Тілтірек» сияқты кітаптарын қызыға оқыды.

 

Арал Болпышұлы,

Бәйтерек ауданы

zhaikpress.kz

Узнайте первым о важных новостях Западного Казахстана на нашей странице
в Instagram и нашем Telegram - канале