Жаңақала ауданына қарасты Мастексай ауылдық мәдениет үйі жанынан құрылған «Асыл әжелер» ансамблінің «Әжелер салған ән қандай!” шығармашылық кеші өтті.
Бұл кеш – ұлттың рухани мұрасын дәріптеп, кейінгі ұрпаққа өнеге боларлықтай тағылымды шара болды.
Кеш барысында әжелеріміз халық әндері мен Абайдың әндерін нақышына келтіре орындап, көрермендердің жүрегіне жол тапты. Сонымен қатар, ұлттық салт-дәстүрлерімізді жаңғыртып, көрініс арқылы көрермендерге ұмыт бола бастаған әдет-ғұрыптарды еске салды.
Кеш соңында Мастексай ауылдық округінің әкімі Ержан Нағымұлы әжелерімізге алғысын білдіріп, гүл шоқтарын табыс етті.
Рита Даутова,
Жаңақала ауданы
