Мамыр айының 28-29-ы күндері Орал қаласында грек-рим күресінен кіші жасөспірімдер арасында №1 олимпиадалық резервтің мамандандырылған балалар мен жасөспірімдер спорт мектебінің ашық біріншілігі өтті.
Аталған жарыста Шыңғырлау ауданы балалар-жасөспірімдер спорт мектебінің грек-рим күресі бөлімінің тәрбиеленушілері жоғары деңгейде өнер көрсетіп, жүлделі орындарға ие болды.
Жарыс қорытындысы бойынша 22 келі салмақта Жақсыбек Оңғарбеков І орын; 29 келі салмақта Нұрислам Жолдасбаев І орын; 22 келі салмақта Батыр Төлеген ІІ орын; 32 келі салмақта Нұрасыл Амангелді ІІ орын; 32 келі салмақта Бейбарыс Темірболат ІІІ орын иеленді.
Жас спортшылардың бұл жетістігі — олардың табандылығы мен жаттықтырушы еңбегінің жемісі. Балуандарды жарысқа дайындаған жаттықтырушы — Манас Темирбулатов.
С. Өсәлім,
Шыңғырлау ауданы
