Сырым аудандық мәслихатының хатшысы Шынар Дүйсенғалиева аудандық мәслихаттың депутаты Ернар Байдашевпен бірге қоғамдық бақылау жүргізу мақсатында Жетікөл ауылдық округіндегі Қосарал-Жетікөл ауылдарының ауыз су құбырларын жаңғырту жұмыстарымен танысты.
Боқай елді мекенінен Қосарал және Жетікөл ауылдарына ауыз су жеткізу үшін жалпы ұзындығы 25 шақырым ауыз су құбыры салынбақ. Жобаның мердігері - «АйТемір - Құрылыс» жауапкершілігі шектеулі серіктестігі.
-Жаңа ауыз су құрылысы округтегі ауыз су тапшылығы мәселесін шешу үшін қолға алынды. Құны 309 млн. теңгені құрайтын жоба арқылы 1 095 адам таза ауыз сумен қамтылмақ,- дейді аудандық сәулет, қала құрылысы және құрылыс бөлімінің басшысы Өркен Бектенов.
Бауыржан Ширмединұлы,
Сырым ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер