Облысымызда COVID-19 жұқтырған адам саны 272 жетті. Бұл 100 мың тұрғынға шаққанда сырқаттанушылық көрсеткіші 41,7-ні құрайды деген сөз. Өсу қарқыны 1,1 пайыз. Сырқат жандардың 190-ы облыс тұрғыны, 75 адам еліміздің басқа аймақтарынан болса, жеті науқас шетел азаматы. Олардың төртеуі Өзбекстаннан, екеуі тәжікстандық, тағы біреуі Қырғыз елінен.
Бұл туралы Өңірлік коммуникациялар қызметінің ақпараттық алаңында өткен онлайн брифингте БҚО тауарлар мен көрсетілетін қызметтердің сапасы мен қауіпсіздігін бақылау департаментінің бөлім басшысы Гүлмира Кажушева мәлімдеді.
-Облысымызда тіркелген 272 науқастың 219-ы сырттан келгендер. Жіктеп айтар болсақ, 164 адам Ресейден, 54 адам Атырау облысынан, бір адам Германиядан. Науқастардың 219-ы ер, 53-і әйел адам. Бүгінде індеттен 121 адам жазылып шықты. Олар өз үйлерінде оқшауланып, күнделікті дәрігерлердің бақылауында болады. Сондай-ақ ауру жұқтырғандармен қарым-қатынаста болған 52 адам анықталды. Олардың 43-і медқызметкер, - дейді Гүлмира Қадырқызы.
Түгелбай Бисен
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
