Бөкей ордасы ауданының орталық мешітінде мәуліт айы аталып өтті.
Діни мейрам аудан орталығының имамы Азамат Қанатұлының бағыштаған дұғасынан басталып, отырыс барысында аталмыш мейрамға арнап құрбандық шалған Елтай Қонақбаев пен Бибігүл Жұмағұлованың отбасына алғыс айтылды.
Сонымен қатар бас имам “Адамзаттың ардақтысы Әз Мұхаммед” атты пайғамбарымызға салауат айту аудандық сайыс жеңімпаздарын құттықтап, сыйлықтарын тарту етті.
І орынды Амантай Рашединұлы, IІ орынды Шыңғыс Әділбекұлы, ІІІ орынды Махат Абайұлы иеленді.
Шараға қатысушының бәрі дерлік сыйлықтан құр қалмады. Дін тақырыбындағы сұрақтарға белсенділік танытып жылдам жауап берген азамат- азаматшаларға сыйлық берілді.
Еркебұлан Рахметолла,
Бөкей ордасы ауданы
