Сырым ауданына қарасты Бұлдырты ауылдық округінде ерекше спорттық жарыс өтті. Мешіт жамағаты ауыл мектебінің спорт залындағы ала доп аламанында кездесті.
"Сырым" деструктивті діндерден жапа шеккендерге көмек көрсету орталығы мен БҚО грек-рим және еркін күрес федерациясы бұл жарысты жүлде тарату үшін емес, буындар арасындағы бауырмалдықты, бірлікті нығайту үшін ұйымдастырды.
– Бос уақытты тиімді өткізбей, адам дами алмайды. Иман мен спорт – ер көркі. Осы қасиеттерді насихаттау үшін жарыс жалауын көтердік, - дейді теолог Рауан Рамазан мен федерация Президенті Бауыржан Бегайдаров.
Тартыспен өткен жарыс күнінің аяғында мықтылар анықталды.
І орынды студенттер командасы, ІІ орынды мешіт келушілері алды. Ал, ІІІ орын ауыл жастарының құрамасына бұйырды.
Б.Шерім,
Сырым ауданы
zhaikpress.kz
