Бүгін «Жайық Пресс» ЖШС бас директоры Табылғали Сапаров медиахолдинг ұжымына жаңа орынбасарын таныстырды. Бұл қызметке Нұрлыбек Нұрланұлы Рахманов тағайындалды.
Ол «Жайық Пресс» ЖШС бас директорының шығармашылық мәселелері бойынша орынбасары қызметін атқарады.
Нұрлыбек Нұрланұлы – 1987 жылы Батыс Қазақстан облысы Жәнібек ауданында дүниеге келген.
Білімі – жоғары. М.Өтемісов атындағы Батыс Қазақстан мемлекеттік университетінің «Филология» факультетін тәмамдаған.
2011-2016 жылдары Батыс Қазақстан облыстық «Орал өңірі» газетінде тілші, бөлім редакторы, 2016-2021 жылдары zhaikpress.kz ақпарат агенттігінің басшысы болып қызмет атқарды.
Республикалық baq.kz, informburo.kz, halyk-uni.kz, qaz365.kz сайттарының БҚО-дағы меншікті тілшісі ретінде тәжірибесі бар.
2021 жылдан бері sarapshy.info сараптамалық ақпарат агенттігінің бас редакторы.
ҚР Журналистер одағының мүшесі.
Биыл Қазақстанның Медианың өзін-өзі реттеу жөніндегі қоғамдық комитетінің мүшесі болып сайланды.
Бұл салада тәжірибесі мол маман БАҚ-ты дамыту, мемлекеттік ақпараттық саясат, PR, маркетинг бағытында тиімді жұмыс атқарады деп сенеміз.
zhaikpress.kz
