Бүгін Жаңақала аудандық «Jastar» спорт клубында «Париж–2024» ХХХІІІ жазғы Олимпиадасына қатысушы спортшыларды қолдау мақсатында шағын футболдан аудандық жарыс және аула балалары арасында шағын футбол лигасының ашылу салтанаты өтті.
Екі бағыттағы жарысқа барлығы 13 команда қатысып, бақ сынайтын болады. Шара барысында аудандық жастармен жұмыс жөніндегі ресурстық орталықтың басшысы Дәурен Мерешов пен мәдениет, тілдерді дамыту, дене шынықтыру және спорт бөлімінің басшысы Ақнұрлы Нұрғалиқызы қатысып, тартысты додаға жиылған барша спортшыға сәттілік тіледі.
Әрі қарай ҚР Гимні орындалып, командалар өз ойындарына дайындықты бастап кетті.
Ақерке Ғилымхан
Жаңақала ауданы
