Қызылорда қаласында тоғызқұмалақтан ерлер мен әйелдер арасында X Қазақстан Республикасының командалық чемпионаты өтті. Бұл жарыста облысымыздың ерлер мен әйелдер құрама командасы бас жүлдені иеленді.
Команда сапында өнер көрсеткен Жаңақала аудандық балалар жасөспірімдер спорт мектебінің шәкірті Нұрәлі Арматұлы жеңімпаз атанып, тоғызқұмалақтан “ҚР Спорт шебері” атағына ие болды.
Жаңақала жалпы орта білім беретін мектебінің 9-сынып оқушысы Нұрәлі Арматұлы ұлттық ойынымыз тоғызқұмалақтан ҚР жасөспірімдер арасындағы жекелей чемпионатының үш мәрте жеңімпазы.
2023 жылы Тоғызқұмалақтан жасөспірімдер арасындағы Азия чемпионатының күміс жүлдегері.
Жерлесімізді лайықты марапатымен құттықтаймыз.
Айзада Ақбасова,
Жаңақала ауданы
