ҚР СЖРА Ұлттық статистика бюросының мәліметінше, 2026 жылғы қаңтар-мамыр айларының қорытындысы бойынша Қазақстанда 35,1 мың тонна балмұздақ өндірілді.
Фото: pixabay.com
Елдегі тәтті өнім шығарудың негізгі үлесі Алматы облысына тиесілі — мұнда 23,3 мың тонна немесе жалпы өндірістің 66,3%-ы дайындалған. Ірі өндіруші өңірлер қатарында Түркістан облысы (6,0 мың тонна), Алматы қаласы (1,3 мың тонна) және Ақмола облысы (1,1 мың тонна) бар.
Статистика көрсеткендей, отандық нарықтағы ең танымал түрлер — кілегейлі балмұздақ (15,2 мың тонна) пен пломбир (14,3 мың тонна). Бұл екі атау жалпы өндіріс көлемінің 80%-дан астамын құрап отыр.
