Облыс əкімі Алтай Көлгінов орынбасарларымен бірге Өңірлік кəсіпкерлер палатасының алаңында облыстағы шаруа қожалықтарының басшыларымен кездесті, деп хабарлайды БҚО əкімінің баспасөз қызметі.
Кездесуде Елбасының Жолдауында айтылған ауылшаруашылық саласы экономиканың драйвері болуы тиіс деген тапсырмасына мəн берілді.
Ауылшаруашылық саласына енді ғана келіп жатқан кəсіпкерлерге облыс басшысы: "Сіздер бизнеске қарай бір қадам жасасаңыздар, біз сіздерге екі қадам жасап, қолдан келген көмектің барлығын көрсетеміз", - деді.
Сонымен қатар Алтай Сейдірұлы: "Бұдан былай апта сайын бизнеспен айналысатын, енді ғана ісін бастауға талпынып жүрген азаматтарды жеке қабылдаймын",- деген ойын жеткізді жиналғандарға.
Фото: Александр Куприенко
zhaikpress.kz
