ҚР Еңбек және халықты әлеуметтік қорғау министрлігінің баспасөз қызметінің мәліметінше, Цифрлық отбасы картасы (ЦОК) қазақстандықтардың әлеуметтік-экономикалық жағдайын анықтап, мемлекеттік қолдау шараларын проактивті түрде көрсетуге мүмкіндік береді.
Фото: istockphoto.com
2023 жылдан бастап жұмыс істейтін бұл жүйеде бүгінде 6,2 миллион отбасыға біріктірілген 20,6 миллион азамат туралы мәлімет қамтылған.
БҰҰ Даму бағдарламасымен бірлесіп әзірленген халықаралық тәсілдер негізінде отбасылар әл-ауқатының деңгейі бес санатқа (A-дан E-ге дейін) бөлінеді. Бағалау тек табыс мөлшерімен ғана емес, қаржылық жағдайды, мүлікті, жұмыспен қамтуды, несиелерді және бизнес пен тұрғын үй жағдайларын қоса алғанда, 59 көрсеткіш пен 8 негізгі бағыт бойынша кешенді түрде жүргізіліп, ай сайын жаңартылып отырады.
