ҚР Денсаулық сақтау министрлігінің хабарлауынша, цифрлық құралдар арқылы медициналық ақпараттық жүйелердегі 400 мың өзекті емес пациент картасы жойылып, 31 млрд теңге көлеміндегі негізсіз шығыстардың алды алынды.
Деректердің дұрыстығын бақылаудың жаңа бірыңғай жүйесі жалған мәліметтер енгізуге жол бермейді. Нәтижесінде медициналық қызметтерді негізсіз тұтыну 7 млрд теңгеге азайып, 10,6 млрд теңгенің артық есептелу фактілері анықталды.
Сонымен қатар тексеріс барысында лицензиясыз жұмыс істеген 40-қа жуық ұйым және сертификатының мерзімі өткен 2 мыңнан астам маман анықталып, тиісті шаралар қабылданды.
