Премьер-министр Олжас Бектенов Үкімет отырысында инклюзивті білім беруді дамыту және педагогтерге түсетін әкімшілік жүктемені азайту жөнінде маңызды тапсырмалар берді.
Жиында Оқу-ағарту министрлігіне өңір әкімдіктерімен бірлесіп, мұғалімдердің есептілігінің барлық түріне түбегейлі ревизия жүргізу жүктелді. Мақсат – әртүрлі платформалардағы қайталанатын есептерді жойып, ұстаздардың артық жұмыстан босатылуын қамтамасыз ету.
Сондай-ақ Үкімет басшысы ағымдағы жылдың 10 желтоқсанына дейін мұғалімдердің ар-намысы мен қадір-қасиетін қорғау шараларын күшейту жөнінде нақты ұсыныстар енгізуді тапсырды.
