ҚР Ауыл шаруашылығы министрлігінің хабарлауынша, Мал шаруашылығын дамытудың кешенді жоспары аясында 21 тамызда Германиядан жоғары өнімді ірі қара малдың кезекті партиясы жеткізілді.
Фото: Agropresskz
Голштейн тұқымды асыл тұқымды сиырлар Қостанай облысындағы «ДК Мақсат KZ» ЖШС-ның жаңа сүт-тауар фермасын толықтыруға арналған. Жалпы құны 3,2 миллиард теңгені құрайтын, 400 сауын сиырға есептелген бұл жоба Солтүстік Қазақстан облысының тәжірибесін тарату бағдарламасы шеңберінде жүзеге асырылуда. Ветеринарлық және кедендік бақылаудан өткеннен кейін мал Владимировка ауылына жеткізіліп, міндетті карантинге орналастырылады.
Қазіргі таңда заманауи «Параллель» доильный жүйесімен және Afimilk цифрлық басқару бағдарламасымен жабдықталған кәсіпорын 2026 жылдың соңына дейін қалған мал басын кезең-кезеңімен тасымалдап, жобалық қуатына толық шығуды жоспарлап отыр.
Ауыл шаруашылығы департаментінің директоры Бағлан Аймұрзаевтың айтуынша, жыл басынан бері отандық фермерлер 30 мыңнан астам асыл тұқымды ірі қара сатып алса, оның 3,5 мыңы алыс шетелдерден әкелінген. Атап айтқанда, Қостанай облысында 2023–2026 жылдары жалпы қаржыландыру көлемі 39,2 миллиард теңгені құрайтын сүт-тауар фермаларын салу мен дамыту бойынша 13 инвестициялық жоба іске асырылуда, оның ішінде 7 ферма пайдалануға берілген.
Ал жалпы ел бойынша 559,6 мың тонна сүт өндіруге қауқарлы 97 МТФ жобасы қаржыландырылып, оның 71-і іске қосылды.
Мұндай шаралар отандық мал шаруашылығының генетикалық әлеуетін арттыруға және елдің азық-түлік қауіпсіздігін нығайтуға бағытталған.
