6.10.2022, 18:00
Оқылды: 3

"Қадірін қара өлеңнің саралаған"

Бүгін Орал қаласындағы Қадыр Мырзалиев атындағы облыстық мәдениет және өнер орталығында ақын, журналист Тілес Жазықбайдың 70 жасқа толу мерейтойына арналған "Қадірін қара өлеңнің саралаған" атты кездесу кеші өтті.

InShot_20221006_175209798

Кеште аталған орталық директорының орынбасары Талғат Мықи мерейтой иесін құттықтап, орталықтың атынан алғысхат пен естелік сыйлық табыстады. Жиында Ақжайық ауданы әкімінің орынбасары Бақберген Әбуов қаламгерді мерейжасымен құттықтады.

IMG-20221006-WA0119

Кеште, сондай-ақ ақын-жыршы Сағынғали Бисенғалиев, облыстық "Орал өңірі" газетінің бас редакторы Бауыржан Ғұбайдуллин, мерейтой иесінің достары, кластастары, жоғары оқу орнында бірге оқыған группаластары, шәкірттері Тілес Жазықбай туралы естеліктермен бөлісті.

IMG-20221006-WA0112

Сол сияқты "Айтуға оңай", "Қаракет" телехабарын жүргізген белгілі журналист, марқұм Бисен Құранбектің көзі тірісінде Т. Жазықбай хақында теледидар арқылы айтқан пікірі тыңдалды.

IMG-20221006-WA0123

Тілекеңнің немересі Еркебұлан Төлепқали "Өлең туралы өлең" атты поэзиялық туынды оқыды.

IMG-20221006-WA0114

Қазақстан композиторлар одағының мүшесі Донеділ Қажымов мерейтой иесінің өңіріне Қадыр Мырзалиев атындағы қордың медалін тақты. Кеште облысымызға танымал өнерпаздар ән шырқап, күй төгілтті.

Толығырақ ақпаратты облыстық "Орал өңірі" газетінің алдағы санынан оқи аласыздар.

Н.Нұрманов,

zhaikpress.kz 

 

Узнайте первым о важных новостях Западного Казахстана на нашей странице
в Instagram и нашем Telegram - канале