ҚТЖ баспасөз қызметінің хабарлауынша, БҰҰ бастамасымен атап өтілетін Дүниежүзілік адам саудасына қарсы күрес күніне орай елімізде «Адам саудасы – ауыр қылмыс» атты ауқымды республикалық ақпараттық науқан өтуде.
Фото: rail-news.kz
Осы бастама аясында 12 қаланы қамтитын «Үміт» деп аталатын төрт арнайы үгіт-насихат пойызы жолға шықты.
Науқан барысында Петропавл – Алматы бағытымен жүретін пойыз Қарағанды қаласына келіп, маңызды профилактикалық шаралар ұйымдастырды. Қарағанды облысы полиция департаменті мен ҚТЖ ұйымдастырған шарада заңгерлер мен әлеуметтік қызметкерлер тұрғындарға заманауи құлдық түрлері, еңбек көші-қонының қауіптері мен көмек алу жолдарын түсіндірді. Сондай-ақ студенттермен және еңбек ұжымдарымен кездесулер өтіп, азаматтардың құқықтық сауаттылығын арттыруға бағытталған жадынамалар таратылды.
